უნივერსიტეტი დაარსდა 2007 წელს. სსიპ განათლების აკრედიტაციის ეროვნული ცენტრის უმაღლესი საგანმანათლებლო დაწესებულებების აკრედიტაციის საბჭოს 2009 წლის 5 იანვრის №1/ს გადაწყვეტილებით IB ევრო–კავკასიურ უნივერსიტეტს მიენიჭა ინსტიტუციური აკრედიტაცია 5 წლის ვადით.
2007 წლის მარტიდან უნივერსიტეტის დამფუძნებელი გახდა ახალგაზრდობის კულტურული და საგანმანათლებლო ქსელის საერთაშორისო კავშირი, რომელიც დაარსდა 1949 წელს გერმანიაში, მაინის ფრანკფურტში: IB – Internationaler Bund
http://www.ib-bildung.de ის.
IB – Internationaler Bund ახორციელებს თავის საქმიანობას 70 საგანმანათლებლო დაწესებულებაში გერმანიის ტერიტორიაზე და რამდენიმე საერთაშორისო პროექტს მის ფარგლებს გარეთ. ამ საგანმანათლებლო დაწესებულებებში სწავლება მიმდინარეობს პროფესიული, აკადემიური კვალიფიკაციის საგანმანათლებლო პროგრამებზე, გადამზადების საკვალიფიკაციო კურსებზე. საერთაშორისო პროექტები ხორციელდება ბელგიაში, პოლონეთში, შვეიცარიაში, საქართველოში, თურქეთში, საუდის არაბეთში.
ამჟამად IB – ის უნივერსიტეტი გახსნილი აქვს როგორც თბილისში, ასევე ბერლინში (http://www.ib-hochschule.de).
IB – თბილისის უშუალო პარტნიორი ჯანდაცვაში და მედიცინაში პროფესიული სწავლებისა და პოსტდიპლომური გადამზადების კუთხით არის IB შტუტგარტის სამედიცინო აკადემია. http://www.med-akademie.de
IB – Internationaler Bund ფლობს საკმაოდ განვითარებულ სასწავლო ბაზებს, კლინიკებს, სასტუმროებს და ქსელურ ინფრასტრუქტურას.
IB – Internationaler Bund არის არამომგებიანი ორგანიზაცია. დაწესებულების შემოსავალი ხმარდება აიბი-ს საგნმანათლებლო ქსელის განვითარებას და მუდმივ ზრუნვას თანამშრომელთა მზარდი სოციალური და პროფესიული ინტერესების დაკმაყოფილებისათვის.